қоса резюме

Қызметтік мансап

Сізді қызықтыратын бос жұмыс орнын таңдап, өз резюмеңізді жіберіңіз. Қызметкерлер жөніндегі бөлімнің мамандары сұраныс-тілектердің барлығын мұқият қарайды және сізбен қайта байланысқа шығуға дайын. Егер Сіздің біліміңіз, жұмыс тәжірибеңіз, іскерлік дағдыларыңыз бен құзіретіңіз бос жұмыс орны талаптарына сәйкес келсе, біз Сізбен міндетті түрде хабарласамыз.

Егер қандай да бір себеппен Сіз өзіңізге лайық бос жұмыс орнын  таппасаңыз, өзіңізді қызықтыратын мамандықты көрсетіп, мына электронды мекенжайға cv@rakhat.kz резюмеңізді жіберіңіз. Нақты, сауатты түрде жазылған резюмемен қоса берілген жолдама-хат Сіздің нені қалайтыныңызды түсінуімізге және Сіздің біліктілігіңізге, біліміңіз бен тәжірибеңізге сай бос жұмыс орны болған кезде Сізбен хабарласуымызға себін тигізеді.

Құрметті ізденушілер, өздеріңіздің резюмелеріңізді мына электронды мекенжайға: cv@rakhat.kz жіберіңіздер. Сіздің тәжірибеңіз бен кәсіптік мақсаттарыңызға сай келетін бос жұмыс орны туындаған жағдайда, Сізбен қызметкерлермен жұмыс жөніндегі бөлімнің өкілдері хабарласады. Бізге жіберілген мәліметтердің құпия сақталатынына кепілдік береміз.

Құрметті рекрутингтік, тренингтік және консалтингтік қызмет көрсететін компаниялар өкілдері, әлеуетті серіктестер, бізге мына электронды мекенжай cv@rakhat.kz бойынша хат жазып, хабарласыңыздар.

Сіздермен бірлесе жұмыс істеуге қуана келісеміз!

Міндеттері:

  • Өндірістік құрал-жабдықтарды реттеу және жөндеу.
  • Жұмыс режимін белгілеу, технологиялық процестерді бақылау.
  • Құрал-жабдықтарды жұмыс жағдайында ұстау, алдын ала тексеру жұмыстарын жүргізу және жоспарлы түрде техникалық күтім жасау. 

Қойылатын талаптар:

  • Өндірістік құрал-жабдықтарды білу.
  • Электр техникасы бойынша қарапайым (бастапқы) білімі.
  • Сызбаларды айыру (ажырату) қабілеті.
  • Салалық білімінің немесе құрал-жабдықтарға күтім жасау және жөндеу бойынша жұмыс тәжірибесінің болуы құпталады. 

Жасалатын жағдайлар:

  • Жұмысқа орналастыруды ҚР ЕК бойынша ресімдеу.
  • Тұрақты жалақымен қамтамасыз ету.
  • Еңбек демалысын, еңбекке жарамсыздық парағын беру.
  • Ынтымақты ұжым.
  • Кеңсе Зенков к-сі, 2А мекенжайы бойынша орналасқан.

Жұмыс уақытша 2019ж. 30 желтоқсанға дейін

Талаптар:

  • Медициналық кітапшаны рәсімдеу мүмкіндігі;
  • Санитариялық және жеке гигиеналық талаптарды сақтау;
  • Жауапкершілік, зейінділік, ұқыптылық:
  • Арнайы білім міндетті емес.

Жағдайлар:

  • 3 ауысымдық жұмыс кестесі.
  • Тұрақты жалақымен қамтамасыз ету.

Міндеттері:

  1. Бас энергетиктің қарамағындағы құрылымдық бөлімшелердің жұмысын басқаруды мына төменде көрсетілгендер бойынша жүзеге асырады:

– электрмен, жылумен, сумен, суықпен  жабдықтау, ауаны сығымдау, желдету жүйелерін, өндірістік процестерді автоматтандыру құрылғыларын қауіпсіз, техникалық тұрғыдан                  жарамды, үнемді түрде пайдалануды қамтамасыз етеді;

– электрмен, жылумен, сумен, суықпен жабдықтау, ауаны сығымдау, желдету, өндірістік процестерді автоматтандыру бойынша жаңа  жүйелерді  әзірлеуді, өндіріске енгізуді,                      орнатып-реттеуді, пайдалануға беруді (Қоғам стандартына сәйкес) жүзеге асырады;

  1. Электрмен, жылумен, сумен, суықпен жабдықтау, ауаны сығымдау, желдету, өндірістік процестерді автоматтандыру жүйелерінің сенімді, техникалық жағынан жарамды болуы, үнемді, ұтымды және қауіпсіз жұмыс істеуі бойынша жауапкершілік артады;
  2. Бөлім қызметкерлері, бөлімнің құрылымдық бөлімшелері атқаратын, жетекші инженер-энергетиктің құзыретіне кіретін және функционалдық міндеттеріне қатысты мердігерлік (тысқары) ұйымдар орындайтын жұмыстардың сапасы мен көлемін бақылайды;
  3. Электрмен, жылумен, сумен, суықпен жабдықтау, ауаны сығымдау, желдету, өндірістік процестерді автоматтандыру жүйелерінің тоқтауы, кідіруі, бұзылуы, істен шығуы себептерін талдау жұмыстарын ұйымдастырып, жүзеге асырады;
  4. Электрмен, жылумен, сумен жабдықтау және кәріз жүйелеріне техникалық шарттар алуға материалдар дайындайды, әзірленген жобалар бойынша қорытынды беруге, энергетикалық қондырғыларды, басқа да жабдықтарды сынауға және пайдалану үшін қабылдап алуға қатысады;
  5. Жұмыс жоспарын, жылдық және келешектегі жоспарларды, техникалық іс-шараларды әзірлейді, солар бойынша бюджет құрады;
  6. Қоғам жабдықтарын жөндеу және жинақтау (монтаж) жұмыстары кестесін жанама қызметтермен келісімдейді және олардың орындалуын бақылайды;
  7. Жабдықтарға, шығын материалдарына, қосалқы бөлшектерге тапсырыс беріп, есептеме жүргізуді жүзеге асырады;
  8. Қызметкерлер мен құрылымдық бөлімшелердің еңбекті қорғау, ҚТ, ӨҚ, ӨД, ЭҚҚЕ, ТПЕ бойынша іс-шаралардың орындалуын, пайдалану жөніндегі жазбаша өкімдердің, техникалық жабдықтарды пайдалану, жабдықтарды жөндеу бойынша нұсқаулардың орындалуын бақылайды;
  9. БЭБ (бас энергетик бөлімінің) құрылымдық бөлімшелері қызметкерлерін ЭҚҚЕ, ТПЕ, ҚТЕ, ӨҚ, ӨД қойылатын талаптарды оқытуды және солар бойынша қызметкерлердің білімдерін тексеру емтихандарын тапсыруын мерзімінде ұйымдастыруды бақылайды;
  10. Қоршаған ортаны қорғау нормалары мен қағидаларын сақтау бойынша Қазақстан Республикасының заңнамасы талаптарын орындауға бағытталған іс-шараларды өз құзыреті шегінде әзірлейді және енгізеді.

 Қойылатын талаптар:

Жоғары кәсіптік  (техникалық) білім және электр-техникалық және энергетикалық жабдықтарды пайдалану саласындағы жұмыс стажы – кемінде 5 жыл.

06.09.2019 Сатушы

Міндеттері:

  • Сауда залында тауарлардың жеткілікті болуын бақылап, қажетіне қарай орнын толтырып отыру;
  • Сатып алушыларға тауар таңдауға көмектесу, оларға дүкендегі қойылған тауар түрлері, тұтыну шарттары мен тауар ерекшеліктері бойынша кеңес беру;
  • Жекелеген тауар түрлерінің сатылымын арттыруға, дүкенде өткізілетін жарнамалық акцияларға қатысу: белгіленген тауар түрлерін көзге түсетін жерге орналастыру, сатып алушыларға сол тауарлардың ерекшеліктері мен артықшылықтары жөнінде кеңес беру және басқа да әдістер арқылы сатып алушылардың зейінін аудару.
  • Тауардың баға көрсеткіші қағазының болуын, оның дұрыс орналастырылуын және барлық мәліметтің (тауардың атауының, бағасының, салмағының және т.б.)  дұрыс жазылуын (көрсетілуін) қадағалау;
  • Түгендеу жүргізуге қатысу;
  • Тауарды өткізу мерзімін қадағалау.

Талаптар:

  • Сауда-саттық саласындағы жұмыс тәжірибесі – кемінде 3 жыл;
  • Кондитерлік өнім түрлерін жақсы білу;
  • Қазақ тілін білуі құпталады;
  • Кез келген сатып алушымен сөйлесе білу, тіл табысу;
  • Касса тәртібін, ақшалай қаражатты қабылдау және тапсыру ережелерін білу;
  • Клиентке қарай бағытталу принципін түсіну;
  • Топтық  (топпен бірге) жұмыс істей білу және нәтижеге бірлесе қол жеткізу;
  • Сауда-саттық ережелері мен «Тұтынушылар құқығын қорғау туралы» заңды білу.

Жағдайлар:

  • Мекенжайы: Алматы қ., Жібек жолы к-сі, Қалдаяқов к-сінің қиылысы
  • Жұмыс кестесі: сағ. 8.00-ден сағ. 20.00-ға дейін (14/14).

06.09.2019 Қоймашы

Міндеттері:

  1. Тауарлық қорларды қабылдау, сақтау және жөнелту жұмыстарын, қойма орынжайларын неғұрлым  тиімді  пайдалануды, қажетті материалдарды іздеуді жеңілдетуді (оңайлатуды) және жеделдетуді ескере отырып, оларды  орналастырады.
  2. Жиналатын тауарлық қорлардың сақталуын қамтамасыз ету, сақтау режимдерін, кіріс-шығыс құжаттарын ресімдеу және тапсыру ережелерін орындайды.
  3. Еңбекті қорғау нормалары, ережелері мен нұсқаулары талаптарын сақтай отырып, қоймадағы тиеу-түсіру жұмыстарын ұйымдастырады.
  4. Тауарлық қорларды түгендеуге қатысады.
  5. Қойма операциялары есебін, белгіленген үлгідегі есептілікті жүргізеді (есеп береді).
  6. Қойма шаруашылығы жұмысының тиімділігін арттыру бойынша іс-шараларды әзірлеуге және жүзеге асыруға, тауарлық қорларды тасымалдауға және сақтауға жұмсалатын  шығындарды қысқартуға, қойма шаруашылығын ұйымдастыруға, есептеу техникасының, коммуникациялар мен байланыстың қазіргі заманғы құралдарын енгізуге қатысады.
  7. Өртке қарсы құралдардың болуын және жарамдылығын, қоймадағы орынжайлардың, жабдықтар мен  құралдардың (инвентарьлардың) жай-күйін қадағалайды және олардың мезгілінде  жөнделуін қамтамасыз етеді.

Талаптар:

  • Материалдық жауапкершілік жүктелген қызметтегі жұмыс стажы – кемінде 1 жыл.
  •  Мүмкіндігінше жоғары білімі;

Білу қажет:

  • Қойма шаруашылығын жүргізу ережесін;
  • Қоймадағы материалдық құндылықтарды есепке алу, сақтау, жылжыту, және оларға ілеспе құжаттарды ресімдеу ережесін;
  • Түгендеу жүргізу ережелерін;
  • Өнімдерді сақтау және өткізу мерзімдерін;
  • Дайын өнімді сақтаудың техникалық шарттарын.

Жасалатын жағдайлар:

  • Ынтымақты ұжымда еңбек ету;
  • Жұмысқа орналасуды ҚР ЕК бойынша ресімдеу;
  • Ақылы еңбек демалысын, еңбекке жарамсыздық парағын беру;
  • Тұрақты жалақымен қамтамасыз ету;

Бос орын уақытша қызметкердің бала күтіміне байланысты демалыста болған мерзіміне дейін

Міндеттері:

  1. Тысқары ұйымдар әзірлеген бағдарламалық құралдарды пайдалану мүмкіндігін анықтауға қатысады және Қоғам тапсырмалары аясында  олардың функционалдық бағытқа сәйкестігін тексереді;
  2. Бағдарламалық құралдарды әзірлеушімен бірге бағдарламамен жұмыс істеу нұсқаулықтарын келісімдеуге, енгізуге қажетті құжаттаманы ресімдеуге қатысады.
  3. Міндеттерді белгілеуге, оларды тәжірибе жүзінде және өнеркәсіпте іс жүзінде пайдалануға тікелей қатысады, қолданыстағы ақпараттық жүйеде жұмыс істеу негіздеріне үйретеді, бағдарламалық құралдармен жұмыс істеу үшін пайдаланушыларды нұсқаулықтармен қамтамасыз етеді.
  4. Өндірістік және бухгалтерлік есепті жүргізу кезінде сәйкессіздіктерді анықтауға және бақылау жүргізуге қатысады
  5. Қолданыстағы ақпараттық жүйенің негізгі анықтамаларын жүргізумен айналысады.
  6. Ақпараттық жүйелердің үздіксіз жұмыс істеуін қамтамасыз етуге қатысады және жұмыс процесінде туындаған ақаулықтарды жою бойынша жедел шаралар қолданады.
  7. Берілген ақпаратты талдауға қатысады және жіберілген қателерді жою бойынша ұсыныстар береді.
  8. Ақпараттық жүйелермен жұмыс істейтін пайдаланушыларға сабақ өткізеді.
  9. Ақпараттық жүйені пайдаланушылардың белгіленген міндеттерді дұрыс орындауын бақылайды.

Қойылатын талаптар:

Кәсіптік жоғары білімі және аталған мамандық бойынша жұмыс тәжірибесі – кемінде 3 жыл.

Есептік бағдарламаларға қолдау көрсету  тәжірибесі

Міндеттері:

  1. Өзінің тікелей басшысының өтінімдері мен тапсырмаларына сәйкес Қоғамға (қоғамнан) келіп түсетін жүктердің (дайын өнімді, шикізат пен материалдарды) сыртқы тасымалдануын ұйымдастырады.
  2. Көліктік-экспедициялық қызметтер бойынша ақпаратты жинайды және талдайды, жүктерді сыртқы тасымалдау мәселелері бойынша көлік компанияларымен хат алмасуды жүзеге асырады.
  3. Жүктерді тасымалдау үшін көлік компанияларымен шарттар жасасуға қатысады.
  4. Жүктердің қоғам қоймаларына (403-Тұйық қоймалары) түсуі және орнын ауыстыруы бойынша ақпаратты талдайды.
  5. Логистика бөлімі бойынша шығыс және кіріс құжаттарын жинауды, жүйелендіруді және сақтауды жүзеге асырады.
  6. Қоғамның бекітілген іс номенклатурасына сәйкес ақпаратты қалыптастыру, жүргізу және сақтау бойынша жұмыстарды орындайды, құжаттарды Қоғам мұрағатына сақтауға береді, деректерді өңдеу кезінде пайдаланылатын анықтамалық және нормативтік ақпаратқа өзгерістерді енгізеді.

Қойылатын талаптар:

Жоғары кәсіптік (экономикалық) білімі және аталған мамандық бойынша жұмыс тәжірибесі – кемінде 3 жыл.

Міндеттері:

  1. Тасымалдау құжаттарының дұрыс ресімделуіне бақылау жүргізеді.
  2. Құжаттардың сақталуын қамтамасыз етеді.
  3. Вагондарды әкелу және тапсыру ведомосіне (вагондардың бос тұрып қалу нормаларын, жүктерді тасымалдау тарифтері бойынша алымдарын, вагондарды беру және тапсыру бойынша алымдарын есепке алу, маневрлік жұмыстар және т.б.) бақылау жүргізеді.
  4. Ақша шығындары бойынша жүктерді жөнелтуге және олардың келуіне байланысты (апта, ай, жыл) есептер жасайды.
  5. Тасымалдау жоспарының орындалуына және вагондардың бос тұру нормаларына талдау жүргізеді.
  6. Темір жол көлігіне өтінімдер жасайды (бір айға, он күндікке).
  7. Диспетчерлердің жұмысын бақылайды.

 Қойылатын талаптар:

Жоғары кәсіпік (техникалық) білімі.

Мамандығы бойынша инженерлік-техникалық қызметтердегі  жұмыс өтілі кемінде  3 жыл.

Міндеттері:

  1. № 1, № 2, № 8, № 11орталық қоймалары бойынша тауарлық-материалдық қорлардың қозғалысын есепке алудың бастапқы құжаттамаларын қабылдайды және тексереді .
  2. № 1, № 2, № 8, № 11 қоймалары бойынша тауарлық-материалдық қорлардың қозғалысымен байланысты операцияларды бухгалтерлік есепте көрсетеді (материалдық құндылықтардың кірісі, материалдарды ішкі орын ауыстыру және есептен шығару).
  3. Коммерция жөніндегі директор қызметі жазып берген құжаттар негізінде жүкқұжаттарды, ТМҚ шетке өткізу бойынша шот-фактураларды бухгалтерлік есепте ресімдейді.
  4. Белгіленген мерзімде түгендеуді жүргізуге, сондай-ақ материалдық жауапты тұлғалар ауысқан кезде, Қоғамның орталық, шалғайдағы және қосалқы қоймалары бойынша тауарлық-материалдық құндылықтарды түгендеуді ұйымдастырады және оған қатысады.
  5. Тауарлық-материалдық қорларды түгендеу нәтижелерін мерзімінде өңдейді және оларды бухгалтерлік есепте көрсетуді жүзеге асырады.
  6. Тауарлық-материалдық қорларды түгендеу нәтижелері бойынша жетіспеушіліктерді мерзімінде жабуды жүзеге асырады, қажет болған жағдайда түгендеу комиссиясына жетіспеушіліктер туралы мәселелерді жеткізеді.
  7. “Өндірістік-техникалық мақсаттағы сатып алынған өнімнің (қызметтің) орташа бағасы туралы есепті” (2-КБ) толтырады және оны белгіленген мерзімде Алматы қаласының статистика басқармасына ұсынады.

Қойылатын талаптар:

Жоғары немесе кәсіптік (экономикалық) орта білімі және аталған мамандық бойынша жұмыс тәжірибесі – кемінде 1 жыл.